Портпаролот на Џастин Бибер ги негираше шпекулациите дека пејачот е во мошне лоша состојба бидејќи е навлечен на тешки дроги. Изјавата доаѓа само неколку дена, откако Бибер беше забележан во јавноста во прилично загрижувачко издание.
Објаснувањето за ваквата состојба е дека годината му била мошне „трансформативна“ бидејќи „ставил крај на неколку блиски пријателства и деловни односи кои повеќе не му служеле“.
Според портпаролот на Бибер, навистина е исцрпувачко и жално, што луѓето шират навредливи и штетни наративи за ѕвездата.
Сепак, и покрај ваквиот демант, не може да, а да не се забележи дека светски познатиот пејач е далеку од добро. Обожавателите се загрижени за неговото здравје, бидејќи изгледа премногу слабо и целосно дезориентирано за време на своите јавни појавувања.