Кети Пери и Орландо Блум ја раскинаа својата врска по девет години заеднички живот. Двојката стави крај на врската по неколку недели тензија. Тие беа заедно речиси една деценија и имаат едно заедничко дете.
Веста доаѓа кратко откако 40-годишната поп-ѕвезда отпатува во Вселената, потег што предизвика многу негативни реакции, особено поради виралните видеа кои ја исмејуваа нејзината светска турнеја и неуспешниот албум 143.
-Кети и Орландо раскинаа, но се во добри односи, изјави извор за Us Weekly, додавајќи дека раскинувањето досега „не било конфликтно“.
-Кети, е растажена, но и олеснета што нема повторно да мине низ развод, бидејќи тоа беше најтешкиот период од нејзиниот живот, вели изворот.
Наводната разделба била „нешто што долго време се чувствувало дека доаѓа“, а односите меѓу нив „се напнати со месеци.“
За сега, Кети се труди да остане „зафатена“ со својата турнеја и грижата за нивната четиригодишна ќерка Дејзи, која беше забележана со неа додека 48-годишниот англиски актер беше на пат.
Орландо се врати во Австралија, каде што Кети ја помина јуниската турнеја и повторно се сретна со својата свршеница и нивната ќерка минатата недела.
И покрај тоа што повторно се на истиот континент со Орландо, Кети беше забележана без својот венчален прстен.