Според американските медиуми ќерката на сега веќе починатата Витни Хјустон е на добар пат да си го уништи животот со дрога. Осумнаесет годишната Боби Кристина ненадејно исчезнала по саботната погребна церемонија, по што наводно била пронајдена во хотелската соба како се дрогира.
Таблоидите објавуваат дека ќерката на Витни веќе четири години има проблеми со зависноста и дека нејзиното поблиско семејство е сериозно загрижено за нејзината состојба. Тие инсистираат на тоа Боби Кристина веднаш да замине на рехабилитација која би траела најмалку 60 дена.
-Ова е ужасна ситуација за сите. Тие се обидоа да ја спасат Витни, но тоа не успеа. Сега со Боби Кристина се случува истата работа и се плашат дека повторно нема да ја спречат, изјавува близок пријател на семејството.
Боби Кристина до сега беше хоспитализирана два пати по смртта на Хјустон, а постојат и гласини дека се обидела да изврши самоубиство.