Најпознатиот македонски и веќе легендарен порно актер, Гоце Гиновски алијас Карло Бос, не мирува. Покрај активностите во Италија, тој редовно ги следи случувањата во Македонија. Иако повеќе од десет години не бил овде, тој наскоро најавува спектакуларно враќање дома со уште поспектакуларна идеја:
-На Фејсбук отворив страна „Карло Бос-нов градоначалник на Куманово” со цел во мојот роден град да отворам кварт наречен како оној во Амстердам, „Црвен кварт”. Сметам дека тоа ќе биде најпосетувано место од туристите во нашиот град. Им порачувам на сите проститутки од цела Македонија да се јават кај мене кога ќе стигнам. Ќе ја легализирам проституцијата и никој веќе нема мрзне на -10 или да се поти на +40 степени Целзиусови. Ќе се работи во мотели и хотели и ќе има редовни проверки од доктори, вели Карло.
Тој планира формирање своја политичка партија со која ќе се кандидира на локалните избори следната година. Како иден градоначаник на Куманово планира да изгради нови игралишта и луна парк. Најавува дека има намера да предложи закон според кој секое семејство кое има три деца да добива по една плата.