Британското кралско семејство е побогато за уште еден машки член. Војвотката од Кембриџ, Кејт Мидлтон попладнево го роди својот прв син.
Сепак, официјалното соопштение за породувањето беше соопштено вечерва поради тоа што „парот сакал интимно да го сподели мигот“ пред светот да дознае за раѓањето на бебето.
Мидлтон која се породи во болницата „Сент Мери“ каде што своевремено принцезата Дајана ги роди принцовите Вилијам и Хари се наоѓа во одлична здравствена состојба исто како и нејзиниот син.
Илјадници обожаватели се собраа пред Бакингамската палата и пред самата болница да го дочекаат раѓањето на новиот престолонаследник кој сега е трет претендент за престолот по принцот Вилијам и неговиот татко принцот Чарлс.
Сите членови на кралското семејство се известени за раѓањето на новороденчето и се пресреќни од веста.