Од 2010-та година до денеска српските медиуми во неколку наврати пишуваа дека бракот на поранешниот српски кошаркар Марко Јариќ и прекрасниот „ангел“ Адријана Лима е во криза, а последните наводи ги коментираше дури и Сречко, таткото на Марко.
Според информациите бразилско - српскиот пар веќе два месеци не комуницира на Twitter, социјалната мрежа каде претходно редовно заедно ги известувале пријателите и обожавателите за сè што прават и им се случува во животот.
- Еден од најпопуларните парови на Балканот уште од февруари не објавиле ниту една заедничка слика, а кога ќе се додадат сите шпекулации со кои сме опкружени последните месеци, само ги поттикна гласините за развод. Пред некој месец еден германски таблиод откри дека Лима и Јариќ веќе не живеат заедно и дека популарната манекенка наводно веќе има нов партнер, пишуваат српските медиуми.
Потврдите за наводите се наоѓаат на друштвените мрежи. За Велигден, Адријана напиша: „Среќен Велигден, ве сака Адријана, Сиена и Валентина“, не споменувајќи го Марко, со што само ги подгори сомневањата на српските новинари.
Марко пак своите пријатели го извести дека се наоѓа во Англија. Ниту Адријана, ниту Марко не беа достапни за коментар, а единствено се огласи таткото на кошаркарот.
- Не сакам ништо да кажам, ни дека е точно, ни дека е неточно. Не сакам да коментирам на такви глупости, рече тој.
Адријана и Марко се заедно осум години, од кои пет години во брак и имаат две деца.