Светлана Цеца Ражнатовиќ ретко реагира на провокациите на нејзина сметка, но по концертот одржан во Нови Сад, пејачката одржа прес конференција на која и се обрати на онаа група луѓе која се противеше на нејзиниот настап во овој град.
-Секогаш постои група на луѓе на кои им се допаѓа или не им се допаѓа она што го правам и тоа не може да ме испровоцира. Признавам дека и мене не ми се допаѓаат сите нешта. Не замерувам за тоа. Но, замерувам кога луѓето го користат моментот преку нечие име да изговорат грди нешта, да ве повредат и навредат без причина. Само тоа го замерувам бидејќи не е убаво и не е човечки, изјави Цеца.
-Немам 20 години, јас сум во шоу бизнисот 27 години. Сè сум видела и слушнала, животот не ме мазел, па можам сè да разберам. Можеби вечерва успеавме да го промениме мислењето на овој мал број на луѓе кои се противеа на концертот и се надевам дека повеќе немаат причина да се служат со говор на омраза, додаде таа.
