Компанијата „Дизни“ го претстави првиот официјален трејлер за новата преработка на цртаниот филм „Кралот лав”, кој овој пат е во облик на игран филм.
Новата реалистична верзија на хитот на „Дизни“ од 1994-та година ќе ја има премиерата на 19 јули годинава, прво во САД, а потоа и во кината низ светот.
Гласовите на ликовите ги позајмуваат Доналд Гловер (како Симба), Чиветел Еџиофор, Бијонсе, Сет Роген, Џејмс Ерл Џонс и други. Сценариото е на Џеф Нејтансон, а режисер и главен продуцент е Џон Фавро.