Во периодот на промовирањето на долгоочекуваниот филм „Bombshell“, Шарлиз Терон призна дека била многу исплашена од својата улога.
– Бев поср**а од страв. Бев загрижена поради тоа што требаше да толкувам личност која е позната и актуелна, изјави таа по претприемерата на филмот во Менхетн во неделата.
Во биографската драма глумат и Никол Кидман и Марго Роби, како жени кои се во судир со основачот и директор на „Fox News“, Роџер Ејлс, кого го обвинуваат за сексуално злоставување и вознемирување.
Терон ќе ја толкува Мегин Кели, Кидман е во улога на Гречен Карлсон, а Марго Роби – Кејл Посписил. Ејлс ќе го глуми актерот Џон Литгоу.
Ејлс поднесе оставка 2016-та година, откако беше директор на „Fox“ скоро 20 години.
Шарлиз Терон повеќепати портетираше познати личности од американската понова историја, а за улогата на серискиот убиец Ајлин Вурнос во филмот „Monster“, 2003-та година доби и Оскар за главна женска улога. Премиерата на „Bombshell” е закажана 20 декември.