Наградуваната трилогија на Филип Пулман, која се смета за ремек дело на научната фантастика, сега е преточена во нова HBO серија „Неговите темни материјали“ (His Dark Materials) чија премиера е закажана за 4. ноември на HBO GO. Веќе следниот ден, гледачите ќе можат да ја гледаат премиерата и на HBO каналот во 20 часот.
Серијата ја следи Лира (Дафни Кин), навидум обична, но храбра млада жена од друг свет. Лира е во потрага по својот киднапиран пријател и открива заговор во кој се вклучени украдени деца, што доведува до откривање на таинствен феномен наречен „Прашина“. Додека таа патува низ световите, Лира среќава едно решително и храбро момче по име Вил. Тие заедно се соочуваат со натприродни суштества и опасни тајни, а судбината на живите, но и на мртвите, лежи во нивните раце.
Покрај Дафни Кин, во главните улоги ги гледаме и Рут Вилсон (добитничка на „Златен глобус“ за улога во серијата „Афера“), Лин-Мануел Миранда (добитник на награда „Тони“ за претставата „Хамилтон“), Џејмс Мекавој, Кларк Питерс, Џејмс Козмо, Ен Мари Даф, Вил Кин и Арион Бакар.
Извршни продуценти на серијата се Ден Мекулок, Џејн Трантер, Џоел Колинс и Џул Гарднер за Bad Wolf, Филип Пулман, Џек Торн, Том Хупер, Ото Бетхерст, Дебора Форте, Тоби Емерих и Керолајн Блеквуд за New Line Cinema, како и Бен Ирвинг и Пирс Вагнер за BBC One.