Гал Гадот во филм заснован на забранет израелски роман

Гал Гадот во соработка со продукциската куќа Кешет интернејшанл ќе снима филм заснован на забранет израелски роман.

View this post on Instagram

Golden @Revlon #ColorStay #LooksBook #OriginalPalette #ad 📸 @dudihasson1

A post shared by Gal Gadot (@gal_gadot) on Nov 13, 2019 at 6:47pm PST

Американската актерка со израелско потекло, инаку најпозната по улогата на „жената-чудо“ во истоимениот филм, сега ќе глуми во политички контроверзната еврејско-палестинска романса од 2014-та година.

Имено, филмот се заснова на романот „Живот на граница“ (Borderlife) на израелскиот писател Дорит Рабињан. Приказната е за Израелка која се вљубува во Палестинец во Њујорк.

Во 2015-та година, израелскиот министер за образование, Нафтали Бенет ја забрани книгата како училишна лектира, но се чини, тоа само ја зголеми нејзината популарност, по што порасна продажбата.

Филмот е во претпродукција. Гадот наредниов период ќе може да се погледне и во филмот „Смрт на Нил“ покрај актерот Кенет Брана (приказна на Агата Кристи), потоа во шпионскиот трилер „Црвените белешки“ покрај Двејн Џонсон и Рајан Рејнолдс, како и во продолжението на „Wonder Woman 1984“.