Новата HBO серија „Знам дека ова е вистина“ (I Know This Much Is True), која се базира на бестселер на Воли Лем од 1998 година, ќе има премиера на 11. мај во 20:00 на HBO каналот, a истиот ден станува дел и од HBO GO.
Добитникот на „Еми“, Марк Рафало ги игра ликовите на еднојајчените близнаци Доминик и Томас Бердси во оваа адаптација на роман на Воли Лем во шест продолженија и во режија на Дерек Сијанфранс. Оваа семејна сага паралелно ги следи животите на двајца браќа и е уникатна приказна за предавството, направените жртви и простувањето. Доминик и Томас ќе ги гледаме во различни периоди од нивните животи, почнувајќи од сегашноста која се случува во 90-тите години кога влегуваат во средни години, но и ќе се потсетуваме на нивното растење преку сеќавањата на Доминик.
Оскаровката Мелиса Лео ја игра мајката на близнаците, добитничката на „Еми“ Роузи O’Донел ја глуми социјалната работничка Лиза Шефер, Арчи Пенџаби ќе ја гледаме во улогата на психолог на Томас, Џулиет Луис ја игра Недра Франк, егоистична жена која Доминик ја вработува, додека Кетрин Хан е Деса Константин, поранешна сопруга на Доминик. Имоџен Путс ќе ја игра Џој Хенкс, девојка на Доминик, Џон Прокачино е очув на браќата, Роб Хубел го глуми Лео, најдобриот пријател на Доминик, додека Филип Етингер настапува во улогата на близнаците додека се тинејџери.
Дерек Сијанфран и Марак Рафало се и извршни продуценти на серијата заедно со Грег Финберг, Линет Хауел Тејлор, Бен Браунинг, Глен Башер, Ања Епштајн и Воли Лем