„Collective“- ремек дело за моќта, корупцијата и лагите

Повеќекратно наградуваниот романски документарен филм „Колектив“ (Collective), кој ги следи настаните по пожарот кој избувнал во клубот „Колектив“ во Букурешт и откривањето на голема измама во здравствениот систем, ќе има премиера на 4. јуни во 21:45 часот на HBO каналот,а истиот ден ќе биде достапен и на HBO GO.

Во 2015 година, во ноќниот клуб „Колектив“ во Букурешт избувнал пожар во кој загинале 27 лица, а преку 180 биле повредени. Набрзо, во болниците започнале да умираат луѓе чии повреди од пожарот не биле опасни по живот. Еден од лекарите решил да се обрати до истражувачки новинари. Фактите полека излегуваат на виделина додека новинарите откриваат голема измама во здравствениот сектор. На местото на министер за здравство е поставен нов човек кој е подготвен да претстави пред јавноста несекојдневен пристап во реформата на корумпираниот систем, но и да ги обелодени пречките со кои се среќава во таа борба. Следејќи ги новинарите, шепкачите, жртвите на пожарот и претставниците на владата, „Колектив“ го прикажува големото значење на врвното истражувачко новинарство.



Филмот е во режија на Александер Нанау, добитник на „Еми“ награда, а светската премиера ја имаше во 2019 година на Меѓународниот филмски фестивал во Венеција по што беше прикажан и на фестивалот во Торонто. На Филмскиот фестивал во Цирих ја освои наградата за најдобар меѓународен документарен филм. „Колектив“ е единствениот документарец кој е прикажан на „Санденс“ оваа година во рамки на „Spotlight“ селекцијата која ги слави врвните филмски остварувања кои имале премиери во текот на претходната година.

Списанието „Rolling Stone“ го нарече филмот „ремек дело за моќта, корупцијата и лагите“, додека познатиот филмски портал „IndieWire“ го прогласи за „еден од најдобрите филмови за новинарство кога било снимени“.

Продуцент на филмот е „Alexander Nanau Production“ од Романија, а снимен е во копродукција со HBO Europe и „Samsa Film“ од Луксембург.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Плакат на бандера:
- Исчезнати се маж и куче... Награда за кучето.

webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Веста се ажурира
Верски календар
На денешен ден
1762. - Умре Џемс Бредли, англиски астроном. По...
1793. - Во Париз е убиен Жан Пол Мара, познат...
1837.- Кралицата Викторија Прва, како прв...
1930.- Во главниот град на Уругвај почна Првото...