Џејми Фокс (52) потврди дека ќе го глуми боксерот Мајк Тајсон во биографскиот филм кој што е во подготовки. За таа цел, актерот е во интензивен режим на тренинзи.
За оваа улога на Фокс се зборува уште од 2014-та година. Филмот најверојатно ќе го режира Мартин Скорсезе, но тоа сѐ уште не е потврдено.
Фокс во 2005-та година доби Оскар за еден друг биографиски филм – „Реј“, во кој го играше ликот на музичката ѕвезда Реј Чарлс. Благодарение најмногу на тоа ја добил и улогата на Тајсон.
Освен по постигнувањата во боксот, Мајк Тајсон е познат и по своите пороци и контроверзи. Тој во 1992-ра година беше осуден за силување, а 1997-ма година доби и забрана за боксување, откако му одгриза дел од увото на својот противник Ивендер Холифилд.