„Одгледани од волци“ (Raised By Wolves), нова научно-фантастична серија на врвниот режисер Ридли Скот, ќе има премиера на 4. септември на HBO GO.
Серијата „Одгледани од волци“ следи два андроиди – Татко и Мајка – чија задача е да растат човечки деца на мистериозна нова планета. Додека сè побројната човечка колонија може да се распадне поради верски разлики, андроидите сфаќаат дека контролирањето на човечките уверувања е опасна и тешка задача.
Во главните улоги ќе ги гледаме Тревис Фимел, Аманда Колин, Абубакар Салим, Винта Мекграт, Нијам Алгар, Феликс Џејмисон, Итан Хазард, Џордан Лугран, Асија Ша и Ајви Вонг.
Извршен продуцент и режисер на оваа серија во десет продолженија е Ридли Скот, а сценарист е Арон Гузиковски. Серијата ја продуцираше продуцентската куќа „Scott's Scott Free Productions“ заедно со Ридли Скот и Арон Гузиковски, а останати извршни продуценти се Дејвид В. Зукер, Џордан Шихан, Адам Колбренер и Марк Хуфам.