Новата HBO Europe серија „Бератун“ (Beartown) од Шведска ќе има премиера на 18. октомври во 21 часот на каналот HBO 3, а истиот ден првите две епизоди ќе бидат достапни и во понудата на HBO GO.
Серијата е снимена според бестселерот на Фредрик Бакман, а дејството се одвива во градот Бертаун кој полека исчезнува меѓу дрвјата кои го опкружуваат. Локалниот херој и бивша хокеарска ѕвезда Петер доаѓа во Бертаун да изгради младински тим и да ја обезбеди иднината на градот. Носењето на сите надежи на градот на своите плеќи е тежок товар за момците од Бертаун. Кога младата ѕвезда на тимот е обвинета за грозоморен акт, градот влегува во хаос при што сите жители се погодени. „Бертаун“ ги истражува надежите кои ја обединуваат малата заедница, тајните што ги раздвојуваат, храброста што е потребна за една индивидуа да ѝ се спротивстави на групата и последиците од тоа како ги воспитуваме нашите деца.
Главните улоги во оваа драма во пет продолженија ги имаат: Улф Стенберг, Алиет Опхајм, Тобијас Зилијакус, Миријам Ингрид и Оливер Дуфакер. Режисер на серијата е Питер Гронлунд, а сценариото е на Андерс Вајдман, Антонија Пик и Лин Готфридсен. Продуценти на серијата се Бони Скуг Фини и Матијас Арен, а извршни продуценти за HBO Europe се Хане Палмквист, Стив Метјуз и Ентони Рут. Познатиот шведски писател Фредрик Бакман („Човекот по име Уве“) и според чиј роман се базира серијата истотака е извршен продуцент.