Новата HBO серија „Индустрија“ (Industry) ќе има премиера на 10. ноември во 21 часот на HBO каналот, а истиот ден ќе биде достапна и во понудата на HBO GO услугата.
„Индустрија“ ни го прикажува светот на меѓународните финансии, како што е виден низ очите на амбициозните луѓе во своите дваесетина години што се борат да ја обезбедат сопствената иднина. Серијата следи една група млади дипломци што се натпреваруваат за неколку позиции во една врвна инвестициска банка во Лондон – но границите помеѓу колегијалноста, пријателството, љубовта и непријателството наскоро се губат кога тие влегуваат во една компаниска култура што ја дефинираат сексот, дрогата и егата, во иста мерка колку и зделките и дивидендите. Додека членовите на групата доживуваат подеми и падови, тие мора да одлучат дали во животот има нешто повеќе од борбата за успех.
Во главните улоги ќе ги гледаме Михала Харолд, Мариса Абела, Хари Лоти, Дејвид Џонсон и Набхан Ризван како „дипломци“ и Конор Мекнил, Фреја Мавор, Вил Тудор и Кен Ленг како „менаџмент“. Автори и извршни продуценти на серијата се Мики Даун и Конрад Кеј, а помеѓу извршните продуценти се и Џејн Трантер, Лахлан Меккинон, Рајан Расмусен, Дејвид П. Дејвис и Бен Ирвинг. Сценариото е на Конрад Кеј, Мики Даун, Сем Х. Фриман и Кејт Вергезе, а режисери се Лина Данам, Ед Лили, Тинге Кришнан и Мери Наи.