Актерката Кејли Куоко во ново интервју за „Варајети“ раскажува како била изненадена и шокирана од одлуката на продуцентот Чак Лоре да ѝ стави крај на светски познатата хумористична серија ,,The Big Bang Theory”.
– Бев шокирана и не ни знаев што зборува. Ме погоди како гром од ведро небо!, раскажува Куоко (Пени).
Имено, таа и нејзиното поранешно момче Џони Галецки (во серијата – Ленард), биле убедени дека ќе има и 13-та сезона и нашироко разговарале за тоа. Но, еден ден, Лоре ги викнал вo канцеларија и им соопштил дека Џим Парсонс (Шелдон) одлучил да ја напушти серијата.
Продуцентот потоа им рекол дека проектот не може да продолжи ако еден член на екипата се откаже. Па, имало и плачење, негодување итн.
Актеркара била шокирана од сѐ тоа, но серијата никогаш не доживеа 13. сезона. Куоко потоа се прослави и со серијата „Стјуардеса“ (комедија-мистерија), а во мигов го снима филмот ,,The ,,Man from Toronto” со Вуди Харелсон покрај неа.