Холивудската ѕвезда Вал Килмер, познат по улогите во Top Gun, Batman и The Doors - почина на 65 години по долга здравствена битка.
Неговата ќерка Мерцедес Килмер, откри дека починал од пневмонија во вторникот во Лос Анџелес.
На Вал Килмер му беше дијагностициран рак на грлото во 2014 година и беше подложен на операција, вклучително и трахеотомија која значително влијаеше на неговата способност да зборува.
Килмер беше познат по улогата на Iceman во хит филмот од 1986 година, Топ Ган, и како Бетмен/Брус Вејн во Бетмен засекогаш од 1995 година. И покрај неговиот трајно оштетен глас, тој накратко се врати на екранот во „Топ ган: Маверик“ од 2022 година.