Холивудската актерка Анџелина Џоли денеска изјави дека не е сигурна оти нејзиниот следен филм ќе се занимава со сериозни теми како филмот за војната во Босна и Херцеговина, но наведе дека веќе напишала сценарио за војната во Авганистан.
Џоли, која на филмскиот фестивал во Берлин го промовираше својот филм „Во земјата на крвта и медот“, истакна дека нејзиниот партнер Бред Пит ништо не знае за новата идеја за филм.
- Напишав нешто за Авганистан. Се уште никој не ја има видено. Ниту Бред. Не знам колку е добро, но ми беше задоволство да пишувам, истакна Џоли.
Во паузата меѓу режирањето Џоли ќе биде негативец во новиот филм на Дизни.