Анталогиската крими серија True Detective синоќа го доби крајот на првата сезона. Фалена од критиката и обожавана од публиката Тrue Detective брзо стана култен класик и фаворит за следната сезона на награди.
Првата сезона True Detective ја одбележа одличната глума од двајцата актери во главните улоги: Вуди Харлисон и тазе оскаровецот Метју Меконахи, квалитетното сценарио но и одличната режија.
Зад камерата на True Detective стои Кери Фукунага. Млад, талентиран режисер со само два самостојни играни филмови, но со светла иднина пред себе.
Студент во класата на нашиот Милчо Манчевски на NYU, Фукунага го привлече вниманието на Холивуд со одличниот Sin Nombre од 2009-та година (за кој ја освои наградата за најдобра режија на Филмскиот фестивал Sundance), а во 2011-та ја режираше и најновата адаптација на култниот Jane Eyre со Мајкл Фасбендер и Миа Васиковска во главните улоги.
Следен проект на Фукунага ќе биде Beast Of No Nation, драмата со Идриз Елба во главната улога, а покрај тоа што ќе го режира, Кери го напиша и сценариото. Филмот ќе биде адаптација на истоимената новела на младиот писател по потекло од Нигерија, Узодимна Ивеала.
Фукунага потврди дека нема да ја режира втората сезона од True Detective, но додека го очекуваме следното од Кери Фукунага да се потсетиме на дел од најдобрите сцени преку кои дојде до израз неговиот талент.
6-минути долгата сцена без прекини и монтажа
„ Of course I'm dangerous, I'm police“ сцената
Борбата на Раст и Марти
„Финалето“ од 5-та епизода
Смртта на Реџи