Синоќа во Милано се одржаа 22-те MTV EMA музички награди, каде што Тејлор Свифт, Џастин Бибер, One Direction, Марк Ронсон и многу други успешни пејачи се бореа за голем број награди. Водители на настанот беа Ед Ширан и Руби Роуз, ѕвездата од серијата „Orange Is the New Black“.
Свои настапи имаа и Ели Гоулдинг, која се појави со нов имиџ на црвениот тепих, односно со жолта боја на коса, потоа Фарел Вилијамс, Џејсон Деруло, Џес Глин, Макелмор и Рајан Луис.
Речиси сите ќе се согласат дека најдобрата изведба беше додека Тори Кели настапуваше на сцена се појави Андреа Бочели и заедно ја испејаа „Time to Say Goodbye“, а потоа и хитот на Пинк и Нејт Руес, „Just Give Me a Reason“.
Интересно беше што тенисерот број 1, Новак Ѓоковиќ беше еден од презентерите кој го соопшти името на добитникот на наградата за најдобар хип-хоп изведувач, односно Ники Минаж. Тој пристигна во Милано заедно со неговата сопруга Јелена.
Кои се останатите изведувачи кои добија награди?
Најдобар машки изведувач:
Џастин Бибер
Најдобро видео:
Downtown, Макелмор и Рајан Луис
Најдобар рок изведувач:
Coldplay
Најдобар хип-хоп изведувач:
Ники Минаж
Најдобар настап на сцена:
Ед Ширан, V Festival, Велика Британија, 2014 г.
Најдобра изведба во живо:
Ед Ширан
Најдобар женски изведувач:
Ријана
Најдобар електронски изведувач:
Мартин Герикс
Најдобра соработка:
Where Are You Now, Џастин Бибер, Skrillex & Diplo
Најголеми фанови:
Џастин Бибер
Најдобар изглед:
Џастин Бибер
Најдобра песна:
Bad Blood, Тејлор Свифт и Кендрик Ламар
Најдобар поп изведувач:
One Direction
Најдобар нов изведувач:
Тори Кели
Најдобар алтернативен изведувач:
Лана дел Реј