Кога станува збор за Џенифер Лопез знаете дека нештата никогаш не поминуваат просечно.
Латино пејачката која годинава ја имаше честа да ги води АМА наградите се потруди да остане запаметена како по својот перформанс така и по 10-те промени на облеката за време на шоуто.
-Како дете од Бронкс ги гледав Американските музички награди секоја година...Тие станаа моите херои. Ова шоу ме инспирираше и ме натера да сонувам дека еден ден можеби јас ќе бидам една од оние кои ќе излезат на оваа сцена и ќе настапуваат за вас и за сите обожаватели на музиката низ светот, рече во својот говор Џеј Ло.
Лопез за прв пат настапи на AMA наградите пред речиси 25 години, а беше номинирана за награда пред 15.
Пејачката имаше секси настап на песните Anaconda, B**** better Have My Money, Bad Blood и I Can't Feel My Face што предизвика овации кај публиката.
Изгледа дека сите беа импресионирани од Лопез освен нејзината колешка Ники Минаж која за време на нејзината песна Anaconda не изгледаше посебно воодушевена.
Вечерта на сцената настапија и Гвен Стефани која го исполни новиот сингл „Used To Love You“ како и Coldplay кои ја промовираа првата песна „Adventure Of A Lifetime“ од новиот албум „A Head Full Of Dreams“ што треба да биде објавен на 4-ти декември.
Meѓу изведувачите беа и Селена Гомез, Деми Ловато и Адриана Гранде.
Последниот настап на сцената го имаше Џастин Бибер кој ги исполни своите најголеми хитови додека врз него паѓаше дожд.
Овогодишни победници на Американските музички награди се:
Изведувачи на годината - One Direction
Дебитант на годината – Сем Хант
Песна на годината – Тејлор Свифт „Blank Space“
Соработка на годината - Skrillex & Diplo Featuring Justin Bieber, Where Are Ü Now
Најдобар машки поп/рок изведувач – Ед Ширан
Најдобар женски поп/рок изведувач –Адриана Гранде
Најдобро поп/рок дуо или група - One Direction
Најдобар поп/рок албум – Тејлор Свифт 1989
Најдобар машки кантри изведувач – Лук Брајан
Најдобар женски кантри изведувач – Кери Андервуд
Најдобро кантри дуо или група - Florida Georgia Line
Најдобар кантри албум - Florida Georgia Line, Anything Goes
Најдобар рап/хип хоп изведувач – Ники Минаж
Најдобар рап/хип хоп албум – Ники Минаж The Pinkprint
Најдобар машки соул/R&B изведувач - The Weeknd
Најдобар женски соул/R&B изведувач - Ријана
Најдобар соул/R&B албум ш - The Weeknd, Beauty Behind the Madness
Најдобар изведувач алтернативен рок - Fall Out Boy
Најдобар изведувач во категорија adult contemporary – Тејлор Свифт
Најдобар латино изведувач – Енрике Иглесијас
Најдобар изведувач во категорија contemporary inspirational - Casting Crowns
Најдобар електро денс изведувач – Келвин Харис
Најдобар саундтрак - Pitch Perfect 2