Групата AC/DC закажа неколку концерти во Америка, со цел да ја продолжи големата турнеја. Сепак, тие ги откажаа закажаните концерти, бидејќи лекарите го советувале пејачот Брајан Џонсон веднаш да престане со настапите, затоа што во спротивно би можел целосно да го изгуби слухот.
Бендот соопшти дека ги одложил наредните 10 концерти и дека истите ќе ги одржи при крајот на годината, веројатно со вокал, гостин. Европските настани кои би требало да започнат од 7 мај, се уште не се одложени. Ова е само уште една лоша работа поврзана со членовите на бендот.
Имено, еден од основачите, ритам гитаристот Малколм Јанг во 2014 година, објави дека се пензионира, откако му дијагностицираа деменција. Сега живее во старечки дом во Австралија. Истата година, долгогодишниот тапанар Фил Рад е уапсен поради сомневање дека ковал планови за убиство. Подоцна се изјаснил за виновен.
Ако Џонсон повеќе не пее, како негов последен настап ќе биде забележан концертот на 28 февруари во Канзас Сити.