Адел синоќа одржа концерт во О2 Арената во Лондон, каде што специјално испеа една песна за жртвите во Брисел. Ја замоли целата публика да направат море од светлина со нивните мобилни телефони.
- Сите сме тука за иста причина. Се надевам дека сите дојдовте за да ве забавувам. Овде сум за да ве забавувам, па сите сме обединети, а тоа нè прави подобри од нив. Ова е „Make You Feel My Love“ и ја посветувам на граѓаните на Брисел. Сакам сите да пеете со мене за да нè чујат, изјави Адел.
Откако заврши перформансот, таа изјави дека била воодушевена од она што се случило токму на нејзин концерт.