Бијонсе со нејзиниот последен албум „Лимонада“ е номинира во 11 категории за овогодишните MTV награди, со што се најде на првото место на листата според бројот на номинации.
Со овој свој автобиографски албум, Бијосне се приближи до апсолутниот рекорд на сите времиња што ги постави Лејди Гага во 2010 година, кога доби 13 номинации, јави BBC.
Бијонсе со најновиот албум се прикажа како жена која минува низ неколку фази на болка, поаѓајќи до прифаќање на фактот дека сопругот и бил неверен и поставувајќи ја ситуацијата во контекст на афроамериканска култура.
Веднаш зад Бијонсе по бројот на номнации е Адел, која е номинирана во седум категории за награди.
Каније Вест, кој важи за фаворит за наградата најдобар спот за видеото за песната „Famous“, доби две номинации.
Исто така, меѓу номинираните за MTV наградите се и Ријана, Сиа, Аријана Гранде, Келвин Харис и Џастин Бибер.
Поп пејачот Ник Џонсон, оваа година не доби ниту една номинација и по тој повод јавно го изрази своето незадоволство.
- Нема до дозволам оваа работа да ме измести од колосек. Се чувствувам инспиративно и благодарно овие денови. Нема да се фокусирам на ситници, напиша тој на социјалната мрежа Твитер.
Доделувањето на MTV наградите ќе се одржи на 28 август во Њујорк.