Двоецот ДНК објавија нова песна „Јас и ти“ од актуелниот албум „Уште еден ден“, а истата ја прикажаа на јавноста и со интересно видео. Станува збор за интересна приказна, која со оглед на она што ќе следува од рнб двоецот има и симболично значење, а во која Панчо и Андреј се појавуваат во улога на сценски менаџери.
Имено, Панчо и Андреј во приказната го подготвуваат концертот на ДНК, чии фронтменки се две девојки. Приказната има интересен заплет и изобилство на комични моменти, а кадрите се снимени кон крајот на минатиот месец на неколку интересни локации во Дојран. И овој пат режисерската палка, како и реализацијата му беше доверена на Бане Поповиќ и неговата Томато продукција. Лидерки на бендот се Антонија Локвенец и Ана Марија Таневска од модното студио Црнокрак, а друштво во спотот, односно во бендот им прават уште четири атрактивни девојки, од модното студио ЕМ Фешн од Дојран.