Санкт-Петербургската Куќа на музиката, “Россотрудничество“ и Амбасадата на Руската Федерација во Република Македонија организираат камерен концерт како дел од проектот „Амбасада на вештината“.
„Амбасада на вештината“ е основана по иницијатива на Министерството за Култура на Руската Федерација и вклучува патување на младите солисти од Рускиот центар за наука и култура во странски држави. Во 2016 година се одржале 60 концерти во 22 држави во светот. Нејзина главна задача е развој на класичната музичка уметност, зачувување на традиционалните изведувања и подготовка на млади руски музичари за меѓународни натпревари и фестивали.
На камерниот концерт закажан за 19-ти април во Центар за Култура – Битола во 19 часот, ќе настапат Алексеј Мелников на пијано и Владимир Устјанцев на саксофон, двајцата лауреати на повеќе меѓународни натпревари. На концертот ќе бидат изведени дела од Л. ван Бетовен, Ф.Шопен, Т.Витали, С.Франк, И.Албенис, Џ.Гершвин.
Концертот е поддржан и од Почесниот конзулат на Руската Федерација во Битола, а влезот е слободен.