Победа на музиката! Ова беа зборовите со кои Салвадор Собрал воодушевено ја опиша својата неочекувана победа на годинешното издание на Евровизија.
Романтичната Amar Pelos Dois успеа да освои 758 поени, овозможувајќи и на Португалија по цели 53 години учествување, за прв пат да го освои првото место.
-Музиката не е огномет, музиката е чувство, затоа ајде да го направиме ова и да ја вратиме музиката на вистинското место, изјави Собрал.
Освен тоа што ја трогна Европа со својата песна, Салвадор ги разбуди емоциите кај публиката и со својата лична приказна.
Пејачот е на листата на пациенти кои чекаат за трансплантација на срце и мора да го добие најдоцна до крајот на годината. Неговата медицинска состојба беше држена во тајност, сè до оној момент кога мораше да се подложи на итна хируршка интервенција.