Само по неколку часа откако беше издаден шестиот албум на Тејлор Свифт „Reputation“ започнаа шпекулациите за кој всушност таа пее во нејзините песни.
Иако после многубројните теории се огласи и самата Тејлор која предупреди дека сите личности кои се посочени немаат допирна точка со нејзините песни, сепак најновата ги заинтигрира сите.
Станува збор за песната „Dress“ која сега ја поврзуваат со нејзиниот долгогодишен пријател Ед Ширан.
Сепак, тој негираше дека бил нејзина инспирација за стиховите од популарната „Dress“ како „Не те посакувам како најдобар пријател“.
Во меѓувреме Тејлор настапи во емисијата на Џими Фалон каде во живо ја отпеа својата песна „New Year’s Day“. Додека таа ја изведуваше песната Џими Фалон не можеше да остане рамнодушен на текстот.
Имено во песната има дел каде што Тејлор пее за три стисоци на раката, кои го потсетија Фалон на една од последните средби со неговата мајка која го направила истото пред да почине. Понесен од емоциите со солзи на очите тој ја гушна познатата пејачка, по завршувањето на песната.