Само неколку дена откако беше објавено дека хитот на Luis Fonsi ft. Daddy Yankee, „Despacito“ е првото видео на YouTube кое ќе влезе во историјата со 5 милијарди прегледи, песната изгледа е избришана од платформата.
На линкот каде што беше поставено видеото сега се појавуваат маскирани лица со пиштоли кои се вперени кон камерата.
Кога фановите ќе посакаат да ја пуштат песната, видеото е недостапно. Истото се случи и со неколку видеа од Шакира, Тејлор Свифт и Дрејк. Вината за ова ја преземаа хакерите кои Prosox и Kuroi'sh, кои под видеата напишаа „Слободна Палестина“.
