Коди Ли (22) можеби не гледа и е аутистичен, но тоа не го спречи да го исполни својот најголем сон – победа во шоуто „America's Got Talent“.
Момчето, кое за прв пат го видовме на сцената пред неколку месеци, полека и сигурно се искачи до самиот врв. Во финалето на талент шоуто настапи заедно со Леона Луис, со која ја изведоа баладата „You Are The Reason“. Коди освои вредна награда од милион долари, а воедно и уникатна можност за свое шоу во Лас Вегас.
Ли е роден со хипоплазија на оптичките нерви, што резултирало со слепило на млада возраст. Тој исто така има аутизам и Адисонова болест, состојба предизвикана кога надбубрежните жлезди не произведуваат доволно хормон кортизол.