Telekom Electronic Beats го објави поткастот со ексклузивното интервју со добитничката на пет Греми награди - Били Ајлиш.
Во ова специјално интервју кое ја заокружува 50-тата епизода од серијата Telekom Electronic Beats, Били зборува за тоа како ужива во свое друштво, во моќта да се каже „не“ и во радоста да се чува питбул.
Зборувајќи за нејзините надежи и соништа за иднината, Били изјави: „Го живеам најдобриот период од мојот живот и не сакам да пропуштам ниту еден дел од него“.
-Telekom Electronic Beats постои за да создаде значајни конекции преку музиката и ние сме горди што со помош на поврзаната технологија TEB сѐ уште може да ја исполни својата улога и да Ве спои со нештата што Ви значат. Целта на Дојче Телеком е да бидеме тука за Вас за да може Вие да бидете тука едни за други во овие тешки времиња, изјави Ралф Лилсдорф, Маркетинг на меѓународна музика, Дојче Телеком.
На прашањето за нејзиниот став за важни прашања преку социјалните медиуми, Били Ајлиш даде коментар дека „Тоа е одговорност што секој од нас треба да ја сфати сериозно“.
Најновата епизода од серијата Telekom Electronic Beats е снимена од далечина, поради тоа што Европа и Калифорнија, родната земја на Ајлиш, се соочуваат со ограничувања наметнати со мерките за социјално дистанцирање.
Поткаст серијата вклучуваше разговори со различни нови и веќе познати уметници од целиот свет на електронската музика, вклучувајќи имиња како Диксон, Чили Гонзалес, Модеселектор, Инга Хумпе и Ричи Хотин.
-Толку многу нешта треба да се променат, вели Ајлиш на прашањето за нејзиното мислење за светот денес.
Поткастот можете да го слушнете на:
Electronic Beats: www.electronicbeats.net/listen/
Apple подкасти: podcasts.apple.com/de/podcast/electronic-beats-podcast/id1359011924
Spotify: open.spotify.com/show/6lcKx2IcESBRkRrdoqNcMk?si=21dp9vlQQO-SetRW5MenTg
Soundcloud: soundcloud.com/electronicbeatspodcast
Mixcloud: www.mixcloud.com/electronicbeats/