Стрим-платформата за слушање музика – „Spotify“ од вчера е достапна во Северна Македонија и на пазарот во уште 12 други земји.
Во соопштението се истакнува дека „Spotify“ сега нуди бесплатни услуги и претплата и во Хрватска, Србија, Русија, Албанија, Белорусија, Босна и Херцеговина, Казахстан, Косово, Молдавија, Црна Гора, Словенија и Украина. Со ова, сега платформата опфаќа вкупно 92 земји.
„Spotify“ инаку, е платформа од Шведска, која кон крајот на минатата година го престигна и Apple како предводник на пазарот за легално симнување музика. Има над 130 милиони претплатници и 260 милиони корисници.