Бијонсе е подготвена за освојување на светските топ листи, со нејзиниот нов албум ,,Renaissance”, што треба да биде објавен на 29ти јули.
Четириесет годишната ѕвезда покажа дел од промотивниот материјал за албумот и ја загреа атмосферата кај своите фанови бидејќи позира речиси гола, качена на холографски коњ.
-Создавањето на овој албум ми овозможи да имам место каде што ќе сонувам и ќе најдам излез за време на еден страшен период за светот. Ми овозможи да се чувствувам слободно и авантуристички во време кога нештата многу малку се придвижуваа. Мојата намера беше да создадам безбедно место, место без осуда. Место каде што ќе бидеме ослободени од перфекционизмот и прекумерното размислување. Место каде што се вреска, се ослободува, се чувствува слобода, вели Бијонсе.
Пејачката се надева дека љубителите на нејзината музика, ќе најдат инспирација во нејзиниот нов албум и ќе се чувствуваат уникатно, моќно и секси.