Мадона потинејџерува?!

Целосната демо верзија на првиот сингл на Мадона веќе се најде на интернет. Во вторникот најпрво се појавија делови од песната на кралицата на поп музиката, а еден ден подоцна на интернет осамна и целосната верзија.

Синглот, на кој гостуваат Ники Минаж и МИА, се очекуваше својата премиера да ја има на 5-ти февруари, на Lucas Oil стадионот во Индијанаполис, за време на Super Bowl XLVI.

Мадона претходно најави дека Give Me All Your Love официјално ќе биде објавена во февруари или март 2012 година, во пресрет на нејзиниот нов албум кој треба да се појави на пролет следната година.

Новата песна на Мадона потсетува на тинејџерска песна, односно на моменти на Аврил Лавин во своите почетоци. Ја губи ли кралицата на поп музиката битката со годините и музичките трендови, оценете сами.