Вокалистот на Rolling Stones, Мик Џегер ќе пее пред американскиот претседател Барак Обама во Белата куќа денеска заедно со други легендарни музичари како Џеф Бек, Бади Гај и Би Би Кинг.
Концертот, насловен како „Red, White and Blues” , ќе биде емитуван на американската телевизија шест дена подоцна и е организиран по повод месецот во кој САД се потсетуваат за придонесот на афроамериканската заедница за нивната историја и култура.
Учеството на 68-годишниот Џегер на концертот е во годината, кога Rolling Stones кои се познати по десетици рок хитови како „Satisfaction“, „Sympathy for the Devil“ и „Gimme Shelter“, ја слават 50-годишнината од своето формирање.