Синоќа во Охрид се одржа долгонајавуваниот концерт на Жељко Јоксимовиќ, каде што како главен гостин на вечерта настапи нашата македонска гордост, Даниел Кајмакоски. Финалистот на X-Factor беше навстина возбуден што пее пред многубројната публика и тоа во неговата родна земја! Мора да напомениме дека аплаузот за Даниел беше навистина многу посилен, отколку за Жељко! Сепак, тоа за Жељко не е е никаква конкуренција, туку гордост, затоа што тоа е неговиот ученик.
Жељко и Даниел во дует ги пееја едни од најпознатите песни на Жељко, како и македонската „Лихнида кајче веслаше“.
- Лихнида ти благодарам за прекрасната поддршка. Им благодарам на сите што дојдоа на концертот, се надевам ви се допадна. Утре по 10 часот ќе ја имам големата чест да го прошетам мојот ментор Жељко низ нашата убава Струга. Се гордеам што можам да му го покажам нашиот град. Сите сте добредојдени, со огромна возбуда изјави Даниел.
Ова не беше прв пат Жељко и Даниел да настапуваат заедно. Имено тие за дочекот на новата година пееја заедно во Нови Сад, каде што исто така беа поздравени со громогласен аплауз.