Кики Лесендриќ доби ладна шлаканица од Илма Карахмет која не се појави на неговиот концерт во Тузла и со тоа ги изневери очекувањата на својот довчерашен ментор. Лесендриќ и порача се најдобро, но наведе дека за разлика од другите ментори кои по секое излегување на нивните кандидати од шоуто велат дека и понатаму ќе ги подржуваат, тој не планира да го направи истото.
-Ми рече дека ќе дојде. Жал ми е што не се појави на концертот за да ја согледа моќта на сцената и што тоа значи да се биде пејач, изјави Кики и додаде дека нејзините родител, сепак имале преголеми и нереални планови за Илма.
-Гласачите гласаа за Маид Хачимовиќ. Очекувањата на родителите на Илма беа преголеми. Ја сакаа првата награда. Таа е талентирана, но првото место не беше реално ако се погледне нејзиниот број на гласови. Од кога публиката учествува во гласањето секогаш има некој кој има повеќе гласови од неа. Не сум во контакт со Илма. И бев ментор, а сега е препуштена сама на себе. Таа е последната со која што би работел. Едноставно немам музика за нејзиниот глас, објаснува Лесендриќ кој откако Илма излезе од натпреварувањето рече дека ќе продолжи да ја подржува.
Очигледно и тој во меѓувреме го смени мислењето поради коментарите на Илма и на нејзините родители кои никако не можат да се помират со тоа дека нивната ќерка нема да оди понатаму.