Гитаристот и создавачот на групата AC/DC е приморан да се откажи од групата поради проблеми со здравјето. Групата ги соопшти овие вести на нивниот официјален профил на Facebook.
-По 40 години посветени на AC/DC, гитаристот и создавач на групата, Малком Јанг ќе се одмори од нас, поради неговата болест. Малком сака да им се заблагодари на лојалните фанови за нивната бескрајна љубов и поддршка. Поради неговата состојба, групата ве замолува да ја почитувате приватноста на Малком и неговото семејство. Бендот ќе продолжи да прави музика.
AC/DC оваа година треба да прослави 40 години на музичката сцена. Прославата ќе се одржи во мај во Ванкувер, каде што момците ќе настапат со друг гитарист. Исто така, тие се отворени за идеи од надворешни соработници. Ако нешто им се допадне, ќе се потрудат да снимаат.