Евровизиската победничка Кончита Вурст призна дека доживеала огромна радост кога примила цвеќе од Елтон Џон и неговиот партнер, Дејвид, со порака „Те сакаме!“
Но, Елтон не бил единствениот кој ја пофалил. „Брадестата дама“ добила пофалби и од суперѕвездата Шер.
- Бев многу возбудена кога го причитав твитот од Шер на кој беше напишано: Драга, заслужуваш послатко име и подобра перика. Шер! Шер зборуваше за мене, изјави возбудената Кончита.
Во интервјуто за шоуто „Graham Norton“ таа изјави дека уште сега се радува за следната Евровизија која ќе се оддржи во Виена. Сепак, се уште не знае во кој правец ќе продолжи со музичката кариера.
- Нашето општество е толку брзо што само ќе се повлечам за мудро да размислам. Морам да направам нешто ново. Моја цел е Греми награда, па затоа песните мора да ми бидат добри.