Најголемата журка на крајбрежјето на Јадранот, долго очекуваниот фестивал SEA DANCE, кој е продолжение од EXIT, започнал на спектакуларната плажа Јаз во Будва.
Иако неколку часа пред почетокот на отворањето немало струја, организаторите одлично си ја завршиле својата работа, а со тоа им овозможиле на посетителите загарантирана забава. Први настапиле момците од црногорскиот бенд Books of Knijge, а потоа запеале Rambo Amadeus, Neno Belan и Fiumens, па Klingande.
Сосема очекувано, најголемата лудница била кога пред повеќе од 20.000 луѓе излегле Џеј Кеј и бендот Jamirquai, која публиката ги очекувала со нетрпение. Присутните ги поздравиле со овации, а тие им приредиле убава атмосфера за играње без престан и пеење на цел глас.
Покрај многубројните Црногорци, на фестивалот пристигнале многу млади од балканските земји, но и од цела Европа. Тие кампувале на плажата, но биле сместени и во околните апартмани и хотели.