Пред два месеци Адел објави твит кој предизвика голема врева.
Твитот „Чао, чао 25, се гледаме повторно кон крајот на годината“, крена голема прашина, бидејќи се проширија гласини дека со ова Адел го најавила новиот албум „25“, имајќи предвид дека првите два албуми на Адел беа иминувани „19“ и „21“, по годините од животот на пејачката во времето на нивното објавување.
Гласините сега ги потврди манифестацијата „World Music Awards“, која на својот профил на Твитер објави дека новиот албум на Адел ќе се вика „25“, но и најави дека во 2015-та таа ќе започне турнеја на која ќе го промовира албумот.
Бидејќи не е официјализиран датумот за објава на албумот, има гласини дека Адел, исто како и Бијонсе, ќе го објави албумот ненајавено.
Инаку Адел, во мај годинава наполни 26 години.