Реизданието на „Wings“ кое ќе ги содржи албумите „Venus And Mars“ и „At The Speed Of Sound“ ќе биде следното продолжение на колекцијата на Пол Мекарни, достапно од 22 септември.
„Venus And Mars“ е четвртиот студиски албум на Пол, кој оригинално е објавен во 1975 година, како дел од турнејата „Wings Over the World“. Албумот успеа да се продаде во 4 милиони копии низ светот. Исто така и „At The Speed Of Sound“ е сниман за време на истата турнеја, но објавен е една година подоцна. Токму овој албум е еден од најуспешните на Пол, кој се задржа на топ листите цели седум недели.
Реизданието на двата албуми ќе вклучи две CD-а. Првото CD ќе ги содржи оригиналните песни, додека второто ќе има бонус необјавени песни. Ова издание ќе има и Deluxe Edition која ќе се објави заедно со книга со необјавени фотографии, нови интервјуа со Пол, материјал од неговите архиви и проширени информации за песните.