На концертот на Тони Цетински, закажан за 28 ноември во спортскиот центар Борис Трајковски, како специјален гостин ќе се појави Жељко Јоксимовиќ, долгогодишниот пријател и соработник на Тони.
Имено, Тони и Жељко се пријатели повеќе од 20 години и пред извесно време ја промовираа заедничката песна „Заблуда“. Цетински беше ексклузивен гостин на концертот на Јоксимовиќ во Нови Сад, а овојпат Тони Цетински се појавува во улогата на домаќин на концертот во Скопје.
„Опет си победила“, „Онај ко те љуби сретан је“, „23 декември“, „Нека те одведе“, „Ако то се зове љубав“ се само мал дел од хитовите кои што ја бележат кариерата на пејач од рангот на Тони Цетински. Сепак, концертот нема да биде како и секој друг поп концерт, затоа што Цетински најавува и оперски елементи, голем оркестар, хумор и глума, но пред се музички интензитет во кој што ќе уживаат сите генерации.
Влезниците се веќе пуштени во продажба.