Кој рече дека Македонците во последно време ја изгубиле титулата за најмузикална нација на Балканот? Ако пред некои 6 месеци Даниел Кајмакоски не изненади сите и притоа го воодушеви Балканот со својот глас и скромнот, кои му донесоа победа на регионално натпреварување X- Factor, ние сега повторно имаме музичка ѕвезда која се раѓа.
Струмичанчето, Трајче Ѓоргиев растури со англиската изведба на песната на Бруно Марс „When I was your man” на „Ѕвездите на Пинк“.
– Досега немавме никој кој на англиски пее како на мајчин јазик. Добивме уште еден фаворит. – рече пејачка Гоца Тржан, додека Милан кој прв го притисна своето копче на столицата од возбуда изјави дека бил на раб да пушти солзи.
Уживајте во прекрасната изведба на Трајче и држете му среќа да успее, па да се радуваме на уште една победа на големо регионално шоу: