Во моментов најпопуларниот наш пејач, Даниел Кајмакоски, кој откако победи на најпопуларното регионално натпреварување X-Factor, успеа да триумфира и на Скопскиот Фестивал и со тоа да добие шанса да ја претставува нашата држава на Евровизија, конечно го има своето прво соло видео.
Кајмакоски, кој во текот на летото го сними дуетот со Жељко за песната „Скопје Београд“, а со тоа промовираа и заеднички спот, денеска буквално ги сруши социјалните мрежи на македонските корисници со новото видео за песната „Ne mogu protiv srca svog“, зад која стои неговиот пријател од X-Factor, Кики Лесендриќ.
Интересно е тоа што ова е воедно и првата музичка нумера и видео спот од филмот „Ќе бидеме прваци на светот“ на популарниот српски режисер Дарко Бајиќ.
Спотот го режираше Марко Сопиќ во романтичната ретро атмосфера од 50-те години од минатиот век на Калемегдан, Белград, заедно со кадри од филмот. Во главните улоги во филмот „Ќе бидеме прваци на светот“ се појавуваат Страхиња Блажиќ и актерката Тамара Драгичевиќ, како и Ива Бабиќ.
Уживајте: