Минатата година, Тејлор Свифт не се појави во долна облека, но затоа оваа година си ја поправи грешката, па се облече во секси долна облека додека настапуваше на шоуто на Victoria’s Secret. Додека пееше имавме чувство дека е еден од ангелите на Victoria’s Secret, бидејќи на добар начин го покажа своето беспрекорно тело и мошне добро се носеше со убавиците.
Имено Тејлор се појави во долна свилена облека за спиење и секси црна тоалета од тантела, пеејќи ја својата нова песна „Blank Space“, како и последните неколку хитови од новиот албум „1989“.
За разлика од Тејлор, Аријана Гранде го направи својот прв чекор на ова шоу, која исто така беше облечена со облека од оваа модна куќа. Аријана настапуваше за време на темата „Универзумот на розовата боја“ и целосно се вклопи со нејзиното опавче и тинејџерски стил.
Опкружени со секси жени беа и двајца припадници на машката популација, кои многумина би сакале да бидат на нивно место.
Ед Ширан ги отпеа своите најголеми хитови додека Адријана Лима и Алесандра Амбросио се прошетаа со овогодинешните градници од 2 милиони долари. Исто така и Хозиер настапуваше, додека ангелите танцуваа и креваа раце на неговите најпознати песни.