Објавени се номинациите за 72-то доделување на престижните награди Златен глобус. Најмногу номинации добија филмовите „Birdman“, „Boyhood“ и „The Imitation Game“, но покрај тоа интересен податок е тоа што во категоријата за најдобар саундтрак се најдоа пејачките Лорде и Лана Дел Реј.
Лорде оваа година имаше раце полни работа, промовирајќи го својот албим првенче наречен „Pure Heroine“, кој постигна огромен меѓународен успех, а при тоа доби и важен ангажман за саундтрак албумот за новото продолжение на филмскиот спектакл „Hunger Games: Mockingjay Part 1“. Покрај останатите, таа го напиша и отпеа синглот „Yellow Flicker Beat“, за кој оваа млада ѕвезда се здоби со номинација за Златниот глобус.
Друштво на младата Новозеланѓанка во категоријата за најдобар саундтрак и’ прави ноар-поп пејачката Лана Дел Реј, која изпеа дури два сингла за новиот филм на Тим Бартон, „Big Eyes“, од кои едната го носи името на самиот филм - „Big Eyes“, а другата е наречена „I Can Fly“.
Свеченото доделување на наградите ќе се одржи на 11-ти јануари 2015 година, а церемонијата ќе ја водат комичарките Tina Fey и Amy Poehler.