Легендарниот пејач Арсен Дедиќ откри како настанал текстот за познатата песна „Не дај се, Инес“ и за кого е посветена.
Всушност, Инес била вдовица која живеела во Милано и немала деца.
- Ниту еден момент не ме напушти. Се занимаваше со пластична уметност, па ми направи една бронзена биста што мораше да ми ја носат пет носачи бидејќи беше многу тешка. Секоја година доаѓа, зема соба во хотелот „Esplande“ и во Загреб поминува три, четири дена за да ми биде близу и да се гледаме, открил Арсен.
Инес постојано му зборувала дека токму неговата песна ја обележала за целиот живот.
- Денес ми се јави Раде Шербеџија и ме праша дали можам да пеам со него на еден настап и заедно да ја испееме песната за Инес. Таа никако не ме напушта ни во емоционална смисла, признал Арсен.